مقرر الرياضيات 📘SCMT 101 هو عباره عن رياضيات الثانوي ولكن بالانجليزي وبشكل مفصل اكثر وهو عباره عن 5 شباتر ، يعتبر المقرر من أهم مقررات السنة المشتركة والسنة الاولى لكليات القبول المباشر وكثيرين يعانون منه رغم انه بسيط وسهل لكن يحتاج منك مجهود وتوجيه صحيح عشان تقدر تجيب A+ودا من اهدافي في المقرر.

مميزات الاشتراك بمادتي🧚🏻‍♀️:

1. حيكون اول درس الا هو في شابتر P مجاني وايضا ملف الاساسيات خليته مجاني عشان تشوف شرحي.
2. حشرح الماده بطريقة ممتعه وبسلايدات تفتح النفس وهدفي اخلي الماده المكروهة ممتعة✨.
3. بساعدك في حل الواجبات واي سؤال واجهت فيه صعوبه حتجي تسألني ،حيكون كمان في قروب مناقشة في التليجرام.
4. حتوفر على نفسك فلوسك ومكافئتك معايا تقدر تقسط او تدفعها كامله وسعر الاشتراك بيكون سعر رمزي.
5. حيكون هناك مراجعة قبل الاختبار لو حبيت تسأل او تستفسر عن شيء عشان تكون مستعد الاستعداد التام للاختبار.

منهجية الشرح وطريقة الدراسة📜:

• راح يتم الشرح عن طريق رفع فيديوهات مسجلة لكل درس وبطريقة ممتعه.
• حيتم وضع واجبات واختبارات لكل درس وايضا حيكون هناك قروب مناقشة في التليجرام و بكون متجاوبه لاي سؤال ولاي إضافة جديدة في المنهج.
• راح اعطيكم ملف عباره عن سلايدات بيكون ملخص الفكرة من الكتاب مع وجود أسئلة سابقة للتدريب ، كمان بنحل واجبات منصة بيرسون.
• حيتم فتح جلسة مباشرة قبل كل اختبار لو اردتم . للمراجعة والتأكد من المعلومات وأيضا بعد الاختبار للمناقشة في الأفكار الا وجدت بالاختبار والاخطاء لتجنبها في الاختبار النهائي.
• طريقتي بالشرح بتكون بالأيباد حشرح الدرس بطريقة سهله وربط بقصة.

كيف تتأكد من شرحي 🤔؟

حيكون شرحي بسلايدات ممتعه للنظر و بخليك تستمتع بالرياضيات لإنه هدفي مو انك تجيب درجه والسلام هدفي اني اخلي المادة المكروهة ممتعة . بيكون بين كل درس ودرس فاصل تحفيزي او مضحك للترفيه عن الروح :). اذا حاب تشترك ومتردد، عشان خاطرك بيكون ملف الاساسيات و اول درس بشابتر P مجانا وتضمن من خلاله الأشياء الأساسية والفهم من شروحاتي.