شرحها حلو يعطيها العافيه والله تشرح تمام وتختصر أشيا كثير لكن الي يشترك عشان يحلون لك واجبات بحوث كويز ترا مايحلون ولاشي فقط يساعدونك بالبحوث والواجبات عشان تجيب الفل مارك ويسون لنا كويزات وكذا بس ما يحلون ولاشي

شرح جدًا ممتاز ووافي لكل شي وماقصرت معنا بالواجبات ماندمت اني اشتركت معاها💗💗

شرحها جميل ومبسط و ممتع صراحة مو من النوع المستعجل او النوع الي يسلك بالعكس تشرح بضميررر و اسلوبها ممتع وتربط اشياء من واقعنا فالمادة ،ثاني مادة اشترك عندها والحمدلله ما قصرت يعطيها العافية 💕💕

شكرا لك على جهودك .

اولا خمسه نجوم مره قليلة عن التعبير او التقييم لصفاء تستاهل اكثر
صفاء بدعت بشرح الماده بكل شيي ،جدا مبسوطه اني اشتركت معاها ومهما عبرت قليل بحقها ، يمكن تشوفوا ابالغ بس من وجهه نظري مره ناسبني اسلوب شرحها وطريقة سردها للمنهج معروف الاتش ار من المواد الغثيثة وبذات نحنا العلمي نستثقلها وبذات النوتس حقها ، لكن صفاء خلت الماده ممتعه و دخلتها بمخي وثبت الفهم بطريقة رهيبه عندها اسلوب رهيب في الربط ما شاء الله تبارك الرحمن وحقولكم لييه ناسبتني
اولا تحط فيديوهات مدتها قليلة اكثر فيديو مره مره ١٠د تقريبا
ثانيا الشرح ماشاء الله تبارك الرحمن الاتش ار ماده دسمه وفيها تعداد كتييير وكلام متشابهه هي شرحت كل نقطه بشكل فنان ١) تحط ربط بالتعداد نميز انه هذا التعداد لدا العنوان والاخر لعنوانه ٢)انه لكل جمله تحط مثال من واقع حياتنا يصير ما نساه ويسهل علينا الحفظ ٣) الكلمات الصعبه تربطها لنا بكلمات على وزنيه الكلمه الصعبه
لانه انا الحفظ صعب عندي ياخذ مني وقت واحب مره الربط وهي ربطها فنان بمعني الكلمه تمنيت لو شرحت اقتصاد كليي 👏🏻
ثالثا السلايدات طبعا معروف سلايدات الجامعة تكون دش كلام ، لكن صفاء سوت سلايدات جمعت الخيرين مترجمه لل يبا والا ما يبا يقدر ما يقرا الترجمه و مرتبه النوتس ايضا بطريقة حلوه ومو مبين دش كلام ، كمان تشرح النوتس بطريقة حلوه ويصر حتى لو ما ذاكرتها خلاص افتكر شرحها
رابعا بعد ما تخلص من المذاكرة منزله كويز اسئلة مو سوال ولا سؤالين لا كانك داخل اختبار تختبر فيها فهمك للمنهج وبكذا تكون فهمت وختمت وتأكدت انك جلدت المنهج
خامسا اسلوبها جدا جدا لطيف وفي قمة الاخلاق واي سؤال تجاوب عليي وتساعدني في حل الواجب فا منجد شكرا لك مره صفاء على جهودك معانا ، شكرا على تعبك الله يعطيك الف عافييه وان شاء الله اجيب الA+ بالماده .

.